Qarax Saraakiil lala beegsaday oo ka dhacay Kenya

Wararka aan ka helayno waddada xeebta ah ee gobolka Lamu ee dalka Kenya ayaa ku warramaya in Qarax lala eegtay Saraakiil iyo Ciidan ka tirsan Booliska dalka Kenya, wxaaana kasoo baxaya warar dheeraad ah oo ku aaddan Qaraxaasi.

Qaraxa ayaa ahaa Miinada nooca dhulka lagu aaso, waxaana lala beegsaday Ciidanka oo amrayay waddada xeebta ah ee gobolka Lamu, Ciidanka ayaa ahaa kuwa ilaalada xuduudaha loo yaqqanno (BPU), waxaana weerar kaasi ka dambeeyay Dagaalaamayasha Al-shabaab sida ay Warbaahinta u sheeegen Saraakiisha Ciidanka la qarxiyay.

Wararku waxa ay intaas ku darayaan in Saarakiishii iyo Ciidankii Bartilaameedku ahaa ay ka bad-baadeen Qaarxaasi dhulka loogu aasay, waxaana warbaahinta sidaa u Xaqiijiyay taliyaha Booliska gobolka xeebta ah Gabriel Musau.

Al-shabaab ayaa weeraro iyo Qaraxyo waxaa ay ka fuliyaan gudaha dalka Kenya, waxaana laamaha ammaanka dalkaasi ay tiro dhowr jeer ah ku dhawaaqeen howlo ballaaran oo ay shabaab kula dagaalamayaan.