Laamaha amniga Dhuusamareeb oo Caawa gacanta ku dhigay Qarax iyo Ninkii watay

Ciidamo ka tirsan kuwa DANAB ee Maamulka Galmudug ayaa howlgal qoysheysan ka sameeyay Xaafado ka tirsan Magaalada Dhuusamareeb ee Caasimadda dowlad Goboleedka Galmudug.

Howlgalka Ciidamada ayaa intii socday waxaa lagu soo qabtay Nin in Waxyaabaha qarxa ka keeney Degmada Ceelbuur, sida ay sheegeen Saraakiil ka tirsan Ciidanka Galmudug.

Sidoo kale markii la qabtay Ninka Dhuusamareeb geeyay qaraxa ayaa Ciidanka amniga waxaa ay ku guuleeysteen in ay qarxiyaan waxyaabihii halkaas la geeyay, waxaanka Ninkaas lagu xiray Saldhiga Booliska.

Ciidanka Danab ayaa lagu soo waranayaa in Caawa howlgalo kala duwan oo baaritaano ah ay ka wadaan gudaha Magaalada Dhuusamareeb.

Ammaanka Caasimadda Galmudug ayaa waxaa uu yahay mid siweyn loo adkeeyay, waxaana sugida amniga iska kaashanaya Ciidanka dowladda Federaalka iyo kuwa Galmudug.