Dhageyso:-Dagaal sababay Dhimasho iyo dhaawac oo ka dhacay Gobolka Sanaag

Wararka aan ka heleyno deegaano hoostaga deegaanka Ceel-Afwey ee Gobolka Sanaag ayaa waxaa ay sheegayaan in halkaas saacadihii la soo dhaafay uu ka dhacay dagaal u dhexeeyay laba Maleeshiyo beeleed oo wada dega halkaas.

Dagaalkan dhexmaray Maleeshiyaadka ayaa waxaa ka dhashay Khasaaro isugu jira dhimasho iyo dhaawac oo soo kala gaaray labada dhinac,kuwaasi oo isku adeegsaday hubka noocyadiisa kala duwan.

Dadka deegaanka ayaa sheegay in dagaalkaas uu salka ku haayo muran ka dhashay dhul daaqsimeed ku yaalla deegaano hoostaga Ceel-Afweyn oo dhawaan uu ka da’ay Roob.

Guddoomiyaha Gobolka Sanaag Maxamed Axmed Caalin (Tiinbaro) oo warbaahinta la hadlay ayaa waxaa uu sheegay in dagaalka u dhexeeyay Maleeshiyaadka ay ku dhinteen 5 ruux,halka 9 qof kalena ay ku dhaawacmeen,kuwaasi oo dhammaantood ahaa dadkii dagaalamay.

Sidoo kale Guddoomiye Tiinbaro ayaa sheegay in dadkaas ay kala dhex galeen Ciidamo ka tirsan Somaliland,isla markaana haatan xaalada deegaanada lagu dagaalamay ay tahay mid degan.

Guddoomiyaha Gobolka Sanaag ayaa digniin u diray dhammaan beelaha ku dagaalamaya deegaanada hoostaga Ceel-Afweyne,isagoo Ciidanka Somaliland ku amray in Cid kasto oo dhaq-dhaqaaq Ciidan wada inay ka qaadan taallo adegisla markaana beelaha ugu baaqay inay joojiyaan dagaalka.

Hoos ka Dhageyso Codka Maxamed Axmed Caalin (Tiinbaro).