Turkiga oo dhisayo Saldhig Milliteri oo lagu tababaro Ciiddanka Somalia.

Dowladda Turkiga ayaa ka bilowday Somalia dhismaha Saldhigga Tababarka Milliteriga, kaasi oo qeyb ka ah Ballanqaadkii Turkiga ee Dib-u-dhiska Ciiddanka Qaranka ee Dowladda Federalka.

Madaxa Waaxda Arrimaha Dibedda Turkiga ee mas’uulka ka ah Arrimaha Somalia, Emel Tekin oo la hadashay Guddiga Difaaca ee Barlamaanka Turkiga ayaa sheegtay inuu Saldhigaasi noqonayo kii ugu horreeyey ee Turkiga ee lagu tababarayo Ciiddanka Somalia.

Waxay intaasi ku dartay inuu Mashruucaasi qeyb ka yahay Heshiiska Jadwalka Shaqo ee Iskaashiga Milliteriga ee Labada Dowladood, waxayna xustay inuu Saldhigaaasi muhiim u yahay Tababarka Milliteri ee gudaha Qaaradda Afrika.

Kolonel Muraat Yaman oo ka tirsan Wasaaradda Difaaca Turkiga ayaa isagana tilmaamay in Iskaashiga Milliteriga la saxiixdeen Dowladda Somalia sannadkii 2010-kii, isla markaana ay Somalia siinayaan Taageero Milliteri ilaa ay dib ugu dhismaayan Ciiddanka Qaranka Somalia.

Dowladda Turkiga waxay kaloo Somalia ka dhisayaan Wershadda soo saarta Labiska Ciiddamadda iyo Dugsiga Milliteriga, oo wax lagu bari dooono, laguna tababari doono Saraakiisha iyo Layli Sarkaalka ee qeybaha Ciiddamadda.

Radio Dalsan