Tahriibayaal la soo badbaadiyay oo la geeyay magaalada Boosaaso

Tahriibayaal gaaraya 90 ruux oo ay Soomaali ku jiran ayaa lagu soo waramayaa in la geeyay dekada magaalada Boosaaso kadib markii uu badbaadiyay markab laga leeyahay dalka Jarmalka.

Radio Dalsan ayaa seddex cisho ka hor baahisay in markab Jarmalka laga leeyahay inuu badbaadiyay tahriibayaal Soomaali u badan oo badda ku jiray muddo 9 cisho ah.

Dowlada Soomaaliya iyo Hey’adaha xuquuqda aadanaha ayaa ka digay Tahriibka dhalinyarada waxaana dalka oo dhan ka socda olole balaaran oo looga soo horjeedo tahriibka.

Dhawaan ayay ahayd markii ku dhawaad 500 oo tahriibayaal ah ay ku dhinten badda Mediterreanka kadib markii ay degtay doon dadkasi ay saarnayen.

Laba boqol oo Soomaali ah dad lagu qiyaasay ayaa saarnaa doontasi degtay inkastoo Dowlada Soomaaliya ay xaqiijin weysay tiradasi.