Kenya oo sheegtay in qarax ka dhacay Gaarisa looga dilay shaqaale ka tirsanaa wasaarada Caafimaadka

Saraakiisha magaalada Gaarisa ayaa xaqiijiyay in qarax miino ahaa lagu dilay 1 qof oo darawal ahaa laguna dhaawacay 3 kale oo ka tirsanaa shaqaalaha Gawaarida gurmadka deg dega.

Wargeyska Daily Nation ayaa sheegay qaraxa oo ahaa nuuca miinada in xalay lala beegsaday gaari nuuca ( Ambulances) oo ay la socden shaqaale ka tirsan wasaarada Caafimaadka Kenya.

Kenya waxa ay ku sheegtay qarax oo ka dhacay deegaanka Hulugho oo ku dhaw Gaarisa weerar argagixisanimo.

Warar kale ayaa sheegaya in ninka darawalka ahaa ee waday gaariga lala eegtay miinada uu ahaa nin Soomaali ah oo ku soo koray Kenya oo magaciisa lagu sheegay Cabey Dhubow.

Weli ma jirto koox sheegatay masuuliyada qaraxa lala beegsaday shaqaalaha wasaarada Caafimaadka Kenya.

Al Shabab ayaa inta badan sheegata masuuliyada weerarada iyo qaraxyada ka dhaca gudaha Kenya.

Weerarkii ugu dambeeyay shalay ayay Al Shabab ku qaaden gaari ay la socdeen booliska Kenya oo mararay meel ku dhaw degmada Mandheera,waxaana halkasi lagu dilay 5 ka tirsan booliska Kenya.