Ganacsatadda Soomaalida iyo Shisheeyaha ku nool Koonfur Afrika oo dhigay dibadbaxyo ay kaga cabanayaan Boobka iyo Isir-nacaybka lagu hayo

Koox Shisheeye oo lagu qiyaasay afar kun oo qof ayaa shalay galab dibadbaxyo ka dhigay Bartamaha magaalladda Darban ee dalka Koonfurta Afrika, iyagoo ka cabanaya dilalka, boobka iyo isir-nacaybka lagu hayo Ganacsatadda Shisheeyaha ee ka xoogsada dalkaasi.

Dibadbaxayaasha oo ay qaarkood wateen maqarro ayaa waxay Taayaro ku gubeen Waddada Mahatma Gandhi Road ee magaalladda Darban, iyago oku dhawaaqayey erayo ay kaga cabanayaan tacadiyada lagu hayo.

Boliska ayaa la sheegay inay Dibadbaxayaasha kala cayriyeen, iyagoo u adeegsaday sunta dadka ka ilmeysiisa iyo biyo.

Dhinaca kale, Ganacsatadda shisheeyaha ayaa lagu wadaa inay maalintii berrito oo Khamiis ah dhigaan Dibadbaxyo oo ay kaga cabanayaan boobka lagu hayo goobahooda ganacsiga.

Madaxweynaha dalka Koonfurta Afrika, Jakob Zuma ayaa amar ku bixiyey in wax laga qabto boobkaasi, lana soo celiyo Amarka.

Ugu yaraan shan qof oo Ganacsato shisheeye ah ayaa maalmihii la soo dhaafay lagu dilay magaalladda Darban, iyadoo Labo Ganacsato Somali ah la dhigay Isbitaalladda, kadib, markii lagu gubay goobaha ganacsigooda.