Dowladda Masar oo amaantay qaabka loo macaamilay Shaqaalihii la socday Diyaaradii ku burburtay Carbiska

Iyadoo ay lixdii Shaqaalaha Masaarida ee la socday Diyaarada burburtay saakayto ka degi doonaan Garoonka Calaamiga ee Diyaaradaha ee magaalladda Qaahira ayaa waxaa Dowladda Federalka lagu ammaanay qaabka ay u maareysay Shilkaasi.

Madaxa Hay’adda Diyaaradaha Rayidka ee dalka Masar, Mohamoud Alsanaati ayaa sheegay inay Dowladda Somalia gudatay Waajibkii Caalamiga ee ka saarnaa Baaritaanka Shilkaasi.

Waxa uu intaasi ku daray inay Dowladda Somalia xaq u lahayd inay Baaritaan Farsamo sameeyaan, iyadoo la raacayo Qaanuunka Caalamiga ee Shilalka Diyaaradaha Rayidka.

Madaxa Hay’adda Diyaaradaha Rayidka ee dalka Masar, waxa kaloo uu sheegay inay si joogta ah uga war-hayeen Lixda Shaqaale ee la socotay Diyaaradii ku burburtay Deegaanka Carbiska ee duleedka Muqdisho, wuxuuna xusay inay aad xaalladooda wanaagsan tahay.

Diyaaraddaasi oo nooceedu ahaa Aitbus 300 waxaa lahayd Shirkadda Diyaaradaha ee Tristar ee dalka Masar.

© Radio Dalsan