Ciidamo farabadan oo la soo dhoobay Wadooyinka Waaweyn ee M/Muqdisho

Wadooyinka qaar ee Magaalada muqdisho ayaa waxaa maanta lagu arkayaa ciidmada Xasilinta amniga muqdisho kuwaas oo isgoysyada qaar ku baaraya dadka iyo Gaadiidka isticmaala Wadooyinkaas si loo xaqiijiyo amniga Magaalada muqdisho.

Ciidamada ayaa waxa ay dadka ku baarayaan qeybo kamid ah Wadada Maka-Almukarama sida Isgoysyada Zoope,KM4 iyo waliba Dabka,iyadoo ay joojinayaan Gawaarida yar yar si ay u baaraan.

Weli majirto waxyaabo ay Ciidamadu ku soo qabteen howlgalkaas,balse Ciidamada ay dadka wata Gawaarida yar yar ku amraya in ay joojiyaan si baaritaano loogu sameeyo halka mararka qaar Gawaarida ay saaran yihiin dadka Shacabka ah ee loo yaqaano Bii’elka ay baarayaan.

Todobaadyadii la soo dhaafay ayaa Ciidamada Xasilinta amniga waxa ay Muqdisho ka wadeen howlgalo hub aruurin ah,iyadoona inta Ciidamadii Meleteriga ahaa Magaalada muqdisho laga saaray.