Askar ku geeriyootay qarax ka dhacay Magaalada Jowhar

Wararka aan ka heleyno Magaalada jowhar ee Xarunta Maamulka hir-Shabeelle ayaa waxa ay sheegayaan in halkaasi uu ka dhacay qarax lala eegtay ciidamo ka tirsan kuwa dowladda Federaalka Soomaaliya.

Qaraxan oo ahaa miinada dhulka lagu aaso ayaa loo dhigay gaari ay la socdeen ciidamo ka tirsan kuwa dowladda Soomaaliya oo marayay Garoonka Diyaaradaha ee degmada jowhar qaraxaas oo khasaaro u geestay ciidamadii saarnaa Gaariga.

Mid kamid ah dadka deegaanka ayaa Dalsan u sheegay in qaraxaas ay ku geriyoodeen ilaa Sadax Askari laba kalena ay ku dhawacmeen kuwaas oo dhamaantood saarnaa Gaariga Cabdi Bilaha ahaa oo uu qaraxa qabsaday.

Ciidamo farabadan oo ka tirsan kuwa Maamulka Hir-Shabeelle oo goobta ka agdhawaa ayaa tagay meesha uu qaraxa ka dhacay iyagoo sameeyay howlgal aan weli wax dad ah lagu qaban.

Dhanka kale xiriir aan la sameynay Maamulka Magaalada Jowhar ayaanan noo suurtagelin si aan wax uga weeydiino faah faahinada kale ee qaraxa.