Al-Shabaab oo sheegtay in ay la wareegeen degmada Moqakori

Al-Shabaab ayaa goordhow waxa ay ku dhawaaqeen in ay dagaal kula wareegeen degmada Moqakori ee gobolka Hiiraan halkaas oo ay gacanta ku hayeen ciidamada dowladda Soomaaliya.

In kastoo weli saraakiisha ciidamada xoogga dalka Soomaaliya aysan ka hadlin warkaas ka soo baxay Al-Shabaab ayaa hadana,waxa ay sheegeen in dagaal kooban kadib suurtagashay in ay la wareegaan.

Warar ay ku faafiyeen baraha Internet-ka ayay Al-Shabaab ku sheegeen in weerar ay ku qaadeen degmadaas ay sidoo kale ku qabsadeen dhowr gaadiidka dagaalka ah oo ay lahaayeen ciidamada dowladda.

Hayeeshee waxaa aad u adag isgaariinta degmada Moqakori,balse dad kale oo ku sugan qeybo ka mid ah gobolka Hiiraan ayaa waxa ay xaqiijiyeen in degmada Moqakori ay dagaalo ka dhaceen.

Wixii ku soo koedha kala socda Radiodalsan.com