Dayax-gacmeed ay leeyihiin Sirdoonka Maraykanka ayaa soo bandhigay Muuqaalo muujinaya inay Waqooyiga Kuurya cusbooneysiisay Weshad lagu farsameeyo Gantaallada Balaastikadda ee  isaga kala gudbi kara Qaaradaha Caalamka ee loo yaqaano ICBM
Sarkaal saare oo Maraykan oo la hadlay Wargeyska The Washington Post ayaa sheegya inay Waqooyiga Kuurya u muuqato inay dhisanayso hal ama labo Wershado lagu farsameeyo Gantaalladaasi ka dhisanayso meel ka baxsan Caasimadda dalkaasi ee Biyoonyang
Sarkaal kale oo Maraykan ah oo la hadlay Wakaalladda Wararka REUTERS waxa uu tilmaamay in mid ka mid ah Muuqaalladda la soo qaaday muujinayo  Gaari Xamuul iyo mid Tarayl ah oo daboolan, kuwaasi oo u muuqaal ekaa Gaadiidka ay Waqooyiga Kuurya u adeegsato in lagu dhaqaajiyo Gantaalladdaasi.
Dhinaca kale, Aqalka Cad ee looga taliyo Maraykanka weli kama hadlin Sawiradda dhinaca Sirdoonka ee lagu soo bandhigay inay Dowladda Waqooyiga Kuurya dib u bilowday dhismaha Gantaalladda Balaastikada ee isaga kala gudbi kara Qaaradaha Caalamka.
