Uhuru Kenyatta oo taageero u raadinaya Muranka Xuduud-baddeedka Somalia iyo Xubinimadda Golaha Ammaanka ee QM

Madaxweynaha Kenya, Uhuru Kenyatta waxa uu maalmahan socdaal ku marayey dalalka ku yaalla Kareebiyanka, si uu taageero Diplomaasiyadeed ugu helay Hanka Kenya ee ku aadan inay Kursi ka helaan Golaha Ammaanka ee QM.

Dowladda Jabuuti ayaana kula tartamayso Kursiga Qaaradda Afrika ee Golaha Ammaanka ee QM, waxayna Jabuuti ku gacan-sayrtay inay Kenya u tanaasulaan, waxayna Doorashadda Kama Dambaysta ee Kursiga Golaha Amamanka ee QM la qaban doonaa bishan August 21-da.

Dowladda Kenya waxay doonaysaa inay marka ay ku guuleysato Cod-bixintaas inay Kursigaasi u adeegsadaan inay kaga hor tagaan Kulanka soo soda ee Maxkamadda Caalamiga ee Garsoorka ee ICJ bisha soo socoto ka yeelan doonaan Garnaqsiga Dacwadeed ee Muranka Xuduud-baddeedka u dhexeeya Somalia iyo Kenya.

Si kastaba ha ahaatee, Dowladda Kenya waxay culayska saaraysaa Kursiga Golaha Ammaanka ee QM, si ay gabaad uga dhigato Dacwadda ICJ, iyadoo dalkii ku guuleysta uu Golahaasi fariisan doono bisha Janaayo ee sannadka 2021-ka ilaa bisha December ee isla sannadkaasi.

Comments
Loading...