Telefishinka Dowladda Syria ee Ikhbaariyah ayaa sheegay in weeraro Is-qarxin ah saakayto lala beegsaday Dhismo ay Ciiddanka Ammaanka ku leeyihiin magaalladda Xomas.
Wakaalladda Wararka Raashiya ee RIA NOVOSTI ayaa sheegtay inay 6 Is-qarxiyayaal isku qarxiyeen Xarunta Dhexe ee Hay’adda Ammaanka iyo Dhismaha Sirdoonka Milliteriga.
Guddoomiyaha Gobalka Xomas, Talaal Barzani ayaa u sheegay Wakaalladda Wararka AP inay dhaceen 3 Qarax, kuna geeriyoodeen in ka badan 20-qof, kuna dhaawacmeen tobaneeyo kale.
Magaalladda Xomas oo ah magaalladda 3-aad ee ugu weyn dalka Syria waxaa si buuxda u maamulayey Ciiddanka Dowladda tan iyo bishii May ee sannadkii 2014-kii, kadib, markii ay Maleeshiyadda kaga baxeen Heshiis ay QM garwadeen ka ahayd.
©Radio Dalsan
