Wasaaradda Caafimaadka Xukuumadda Federaalka Soomaaliya ayaa shaacisay Dad cusub oo laga helay Cudurka COVID-19, xili Cudurka uu muuqdo mid kasii yaraanaya dalka Soomaaliya.
Warbixin kooban oo lagu daabacay Bogga Wasaaradda Caafimaadka dowladda ayaa waxaa lagu sheegay 72-tii saac ee ugu dambeeyay laga baaray cudurka 385 ruux, isla markaana laga helay 9 qof.
6 kamid ah xaaladaha cusub waxaa laga diiwaan geliyay Somaliland, 2 dowlad Goboleedka Puntland iyo Gobolka Banaadir oo hal ruux laga diiwaan-geliyay, kuwaasi oo dhammaantood ah rag, mana jirin dad ka bogsaday Cudurka oo la shaaciyay.
Tirada guud ee xaaladaha Cudurka COVID-19 ee dalka Soomaaliya laga diiwaan geliyay waxey noqdeen 3,371, waxaa ka bogsooday 2,738ruux, waxaana guud ahaan dalka ugu geeriyooday 97.