Magaalada Dhuusamareeb ee Caasimadda dowlad Goboleedka Galmudug ayaa Maanta waxaa lagu wadaa inay gaaraan Taliyeyaasha Sare ee dowladda Federaalka Soomaaliya.
Taliyaha Ciidanka Xoogga dalka Soomaaliya Sarreeye gaas Daahir Aadan Cilmi (Indhaqarshe),Taliyaha Ciidanka Boolis Bashiir Maxamed Cabdi Ameeriko,Taliyaha Ciidanka Asluubta Sarreye guud Bashiir Maxamed Jaamac iyo Saraakiil kale ayaa la filayaa in saacada soo socda ay gaarann Dhuusamareeb.
Ujeedka Taliyeyaasha Ciidamada dowladda Soomaaliya u tegayaan halkaasi ayaa ay tahay,kadib markii Maamulka Galmudug iyo Ahlusunna Waljameeca ay Aqbaleen inay Magaalada Dhuusamareeb ka howlgalan dhammaan Hay’addaha amniga dowladda Federaalka.
Ra’iisul Wasaaraha Xukuumadda Federaalka Soomaaliya Xasan Cali Kheyre ayaa faray hey’adaha amniga dowladda federaalka Soomaaliya in sida ugu dhaqsiyaha badan uga howl galaan magaalada Dhuusamareeb.
Gogosha Shirka dib-u-heshiisiinta Galmudug ayaa taallo Magaalada Dhuusamareeb,isla markaana waxaa fidiyay Madaxa Xukuumadda Galmudug Sheekh Maxamed Shaakir,waxaana ku raacay Ra’iisul Wasaare Kheyre.