Taliska Ciidanka Xoogga dalka Soomaaliyeed ayaa ka hadlay weerarkii saakay Al-shabaab ay ku qaadeen deegaanka Ceel-saliini ee duleedka Magaalada ee Gobolka Shabeellaha Hoose, halkaasi oo fariisimo militari ay ku leeyihiin Ciidanka Xoogga Dalka.
Saraakiisha hoggaaminaysa howlgalada ayaa Idaacada Codka Ciidamada u sheegay in dagaalkii ka dhacay Ceel-saliini uu ka dhashay Khasaaro isugu jira dhimasho iyo dhaawac.
“Ciidamada oo ka feejignaa weerarka Alshabaab ayaa ka hortagay isku daygaasi weerarka ah oo ay soo qaadeen Alshabaab, balse Khasaaro oo dhimasho iyo dhaawacba leh lagu gaarsiiyay halkaasi†ayaa lagu yiri qoraal kasoo baxay Taliska Ciidanka Xoogga dalka.
Dhinaca kale War qoraal ah oo lagu faafiyay baraha Internet-ka Al-shabaab ayaa waxaa ku sheegeen in Saldhiga Ceel-saliini ay ku qaadeen weerar ku bilowday gaari laga soo buuxiyay waxyaabaha qarxa, isla mrakaana ay dagaal la galeen Ciidanka dowladda ee halkaas ku sugan.
Sidoo kale Al-shabaab ayaa sheegtay inay la wareegeen Saldhiga uuna dagaalka ka dhashay Khasaaro kala duwan, sidoo kalena ay qabsadeen gaadiid dagaal iyo saanado melleteri oo yaallay halkaas.
Si kastaba weli si dhab ah looga Khasaaraha ka dhashay dagaalkii ka dhacay duleedka Magaalada Marka ee Xarunta Gobolka Shabeellaha Hoose, kaasi oo u dhexeeyay Ciidanka dowladda iyo dagaalyahano ka tirsan Al-shabaab.
