Guddoomiyihii hore Gobolka Banaadir ahana Duqii Muqdisho Taabid Cabdi Maxamed ayaa waxaa uu si kulul uga hadlay dhacdadii shalay lagu xanibay Madaxweynihii hore ee Soomaaliya Xasan Shariif iyo wafdi uu hogaaminayo uu ku wajahnaa Magaalada Kismaayo.
Taabid Cabdi ayaa ayaa falkii shalay lagu xanibay Sheekh Shariif ee ka dhacay Garoonka diyaaradaha Aadan Cadde Muqdisho ku tilmaamay inuu ahaa mid laga wada fajacay oo aan marna la filan karin.
Sidoo kale Guddoomiyihii hore Gobolka Banaadir ayaa xusay in Madaxda dowladda Soomaaliya ay la gudboon tahay in ay si waafi ah mashaqadan jawaab uga bixisaa, iyada oo maanka ku heysa in sharcigii dalka la baal maray wixii  shalay ka dhacay Garoonka diyaaradaha Aadan Cadde ee Magaalada Muqdisho.
War qoraal oo bartiisa Facebook uu kusoo qoray Taabid Cabdi Maxamed ayuu uga hadlay arrintaas,waxaana uu qornaa sidan:
Waxa ka dhacay Airporka Adan Cadde waa wax laga wada fajacay oo aanan marnaba la filan karin. Madaxweyne Sharif Sh. Ahmed oo ka mid ah astaamaha dalka, Dowladda rasmiga ee maanta la heystana sababteeda lahaa, in xad-gudubkaa loo geystaa waa CEEB QARAN.
Xorriyadda hadalka iyo isu-socodka waa mid ku dhowrsan xeerarka caalamiga ah iyo mida dastuurka dalka. Sharafka iyo karaamada aadanaha waa laguma xadgudbaan, dhowristeedana waa waajib saaran dadka oo dhan, sida ku cad dastuurka dalka.
Waxaan sidookale aad uga xumahay muwaadiniinta kale ee maanta is-hor-istaagaas uu si guud iyo si gaar ahba u saameysay.
Dowladda Federaalka waxaa la gudboon in ay si waafi ah mashaqadan jawaab uga bixisaa, iyada oo maanka ku heysa in sharcigii dalka la baal maray wixii maanta ka dhacay Airporka Adan Cadde.
