Waxaa sii kordhaya cabsida laga qabo Xanuunka Corona oo cabsi badan ku haya adduunka , waxa ayna keentay in Shirkadaha Sheeneesku ay ku amraan shaqaalahooda in ay guryahooda ku dhex shaqeeyaan oo aysan soo xaadirin xafiisyada shirkada
Madaxa shirkadaha ayaa fasax dheeraad ah siiyay Shaqaalahooda ka immaanaya gobolada ka fog goobahooda shaqada ama kuwa ku dhow dhow magaalada Wuhan ee ah halka uu ka soo billowday Xanuunkan Corona.
Shaqaalaha ayaa lagula taliyay in ay dhaq dhaqaaqa yareeyaan inta laga guuleeysanayo xanuunka Corona .
Shirkadaha shaqaalahooda amray in guryahooda ay ku shaqeeyaan waxaa ka mid ah shirkadda Tik Tok ee laga leeyahay waddanka Shiinaha
Magaalada Ganacsiga ku caanka ah ee Sojo ayaa la xaqiijiyay in Xukuumadda Shiinaha ay ammartay in aan albaabada loo furin illaa 8 Febaraayo si loo xakameeyo Viruskan
Magaaladan oo dhaca Bariga shiinaha waxaa ku yaalo shirkado waa weeyn oo tiknolojiyadda iyo dawada ku horeeyo
Inta la xaqiijiyay illaa imminka dadka u geeriyooday xanuunkan waxa ay marayaan 100 qof halka 4,500 oo ruuxna ay la il daran yihiin , waana sababta keentay in uu sii kordho walaaca laga qabo xanuunkan .
