Sh. Aadan Madoobe oo Arrimo muhiim ah kala hadlay Guddiga Doorashada Madaxweynaha

Guddoomiyaha Golaha Shacabka  Jamhuuriyadda Federaalka Soomaaliya Sheekh Aadan Maxamed Nuur (Madoobe) oo ay weheliyaan Guddoomiye ku xigeenka 1-aad ee Aqalka Sare mudane Cali Shacbaan Ibraahim iyo Guddoomiye ku Xigeenka 2-aad ee Golaha shacabka Cabdullaahi Cumar Abshirow ayaa maanta gelinkii dambe kulan la qaatay Gudigga Isku-dhafka ah ee qaban-qaabada Doorashada Madaxweynaha.

Guddoomiyaha ayaa marka hore ugu hambalyeeyay Gudigga maanta hoggaanka ay iska dhex doorteen, waxaana uu ku dhiira geliyay in si sax ah loo dhaqan geliyo jadwalka doorashada.

Kulanka oo ay goob joog ka ahaayeen guddoomiyaha la dootay ee Gudigga isku-dhafka ah ee qabanqaabada Doorashada Madaxweynaha Senator Cabdiqani Geelle Maxamed iyo ku-xigeenkiisa Xil. Maxamed Keerow Maxamed.

Muhiimadda kulanka ayaa diiradda lagu saaraayay Jadwaleynta iyo qabashada dooraashada Madaxweynaha 10-aad ee dowladda Federaalka Soomaaliya oo ku dhacda jawi nabdoon, hufan oo lagu wada qanacsan yahay.

Madaxda ayaa waxa ay si gaar ah uga hadleen amniga doorashada Madaxweynaha, waxayna hoosta ka xariiqeen in xil gaar ah la iska saaro adkeyta amniga doorashada.

Guddiga qaban-qaabada doorashada Madaxweynaha ayaa Maanta shaaciyay in doorashada Madaxweynaha ay dhaceyso 15-ka bishaan May, waxaana Magaalada Muqdisho ka socda olole doorasho oo xoogan, ayna wadaan Musharaxiinta Madaxweynaha.

About Dalsan Editor

View all posts by Dalsan Editor