Magaalada Jeddah ee Boqortooyada Sacuudi Carabiya ayaa waxaa xalay gaaray Wafdi hordhac u ah Madaxweynaha Jamhuuriyada Federaalka Soomaaliya Mudane Maxamed Cabdulaahi Maxamed Farmaajo oo uga qeyb gali doono Shir Madaxeedka Wadamada Ururka Iskaashiga Islaamka (OIC).
Wafdigan ayaa waxa hogaaminayay Wasiirka Wasaarada Arrimaha Dibadda iyo Iskaashiga Caalamiga Danjire Axmed Ciise Cawad iyo Wasiirka Amniga Abuukar Islow Ducaale,isla markaana waxaa Garoonka diyaaradaha Boqor Cabdicasiis kusoo dhawayey Ergayga Ergada Joogtada JFS ee Ururka Iskaashiga Islaamka (OIC) Danjire Cabdirasaaq Siyaad Cabdi (Sancaani) iyo xubno kale.
Sidoo kale wafdiga ayaa kulamo la qaatay Siihayaha Safaarada Soomaaliya ee Boqortooyada Sacuudi Carabiya Mudane Saalim Macow Xaaji iyo Qunsulka Guud ee Magalada Jeddah Mudae Ilyas Sheekh Cumar Abuubakar.
Madaxweynaha Jamhuuriyada Federaalka Soomaaliya Mudane Maxamed Cabdulaahi Maxamed Farmaajo ayaa Magaaladda Maka Al-mukarama ee dalka Sacuudiga waxaa uga qeyb geli doonaan Shir Madaxeedka Wadamada Ururka Iskaashiga Islaamka (OIC),kaasi oo Khamiista soo socota si rasmi ah u furmi doona.
Shirkaas ayaa waxaa uu socon doonaa muddo 2 maalmood ah, waxaana qorshuhu yahay inay Hoggaamiyayaasha dalalka Khaliijka, kuwa Carabta iyo Islaamka ka qeyb geli doonaan Shirkaasi.
