Magaalada Baladweyne ee Xarunta Gobolka Hiiraan ayaa waxaa gaaray Wafdi ka socda dowlad Goboleedka Hirshabeelle,iyadoo halkaasi soo dhaweeyn loogu sameeyay.
Wafdiga gaaray Baladweyne ayaa waxaa hogaaminayay Wasiirka dib u Heshiiska Hirshabeelle Eng.Cabdikariin Cali Nuur,waxaana qeyb ka ahaa Guddoomiyaha Gobolka Shabeellaha Dhexe Axmed Meyre Makaraan,Guddoomiyaha Degmada Warshiikh iyo xubno ka socdo dowladda Soomaaliya.
Sidoo kale Wafdigan ayaa waxaa Garoonka diyaaradaha Baladweyne kusoo dhaweeyay Gudoomiye ku-xigeenka siyaasada iyo Maaliyada Gobolka Hiiraan ahna ku simaha Gudoomiyaha Gobolka Hiiraan Xasan Ibraahim Cabdule iyo xubo kale.
Ujeedka Magaalada Baladweyne ee Xarunta Gobolka Hiiraan u tageen Wafdigan ayaa waxaa uu yahay ka qeyb galka Shir looga hadlayo is dhexgalka Bulshada Gobolka Hiiran iyo Shababeellaha Dhexe iyo sidii loo joojin lahaa dagaal beeleedyada mararka qaar ka dhaca labada Gobol.
Sidoo kale Madaxda inta halkaas ku sugan yihiin ayaa waxa lagu wadaa in kulamo kala duwan ay la qaataan Bushada ku dhaqanka Gobolka Hiiraan iyo Madaxda Gobolkaaas.
