Sawirro:-Madaxweyne Farmaajo oo Khudbad ka jeediyey Shirka Iskaashiga Afrika iyo Shiinaha

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo khudbad ka jeediyey xiritaanka Shirka Madasha Iskaashiga Afrika iyo Shiinaha ayaa ka warbixiyey fursadaha maalgashi ee Soomaaliya iyo muhiimadda ay u leedahay Hindisaha Shiinaha ee Kaabayaasha Dhaqaalaha (Road and Belt Initiative).

Madaxweynaha ayaa sheegay in Afrika guud ahaan, gaar ahaanna Soomaaliya ay wax badan ka baran karto guulaha Shiinaha, isaga oo xusay in guulahaas lagu gaari karo madallaha ay ka mid tahay Iskaashiga Afrika iyo Shiinaha, taasi oo kor u qaadaysa isdhaafsiga aqoonta, khibradaha iyo iskaashiga guud.

“Waxaannu bogaadinaynaa jawiga loo dhan yahay ee ay ku qabsoomaan wadahadallada, heshiisyada iyo dib u eegista qorshayaashii hore, taas oo keentay in qodobbo waxtar leh ay ka soo baxaan shirkan. Soomaaliya waxa ay si buuxda u taageeraysaa go’aanka wadajirka ah ee “Dhisidda bulsho wadaagta mustaqbal” iyo qorshe-hawleedkii Beijing.”

Madaxweyne Farmaajo ayaa xusay horumarka baaxadda weyn ee ay ku tallaabsatay DFS, si dalku u gaaro nabadgelyo, xasillooni iyo horumar.

Madaxweynuha ayaa tilmaamay in caqabadaha caalamiga ah ee Soomaaliya ay wajahayso sida argagaxisada iyo isbeddelka cimiladu ay carqalad weyn ku noqon karaan horumarka dalka, balse lagaga hortagi karo kor u qaadista dowladnimada, horumarinta bulshada, dhaqaalaha iyo xoojinnta maalgashiga ilaha dhaqaalaha.

Madaxweyne Maxamed Cabdullaahi Farmaajo ayaa ugu hambalyeeyey Madaxweynaha Jamhuuriyadda Shacbiga ee Shiinaha Mudane Xi Jinping, qorsheyaasha dib u habayneed iyo dadaallada dowladdiisa ee ku aaddan horumarinta shacabka Shiinaha iyo dhaqaalaha dalkooda.

About Dalsan Editor

View all posts by Dalsan Editor