Xarunta aqalka dowlada hoose Xamar ayuu guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) kulan kula qaatay madaxda fulinta Hey’adda Q.M u qaabilsan arimaha socdaalka ee I.O.M Mss Dyane Epstein waxaana kulankani goob joog ka ahaa guddoomiye ku-xigeenada maamulka Gobolka Banaadir iyo Xog’hayaha guud ee gobolka.
Masuuliyiinta labada dhinac ayaa qodobadii ay kawada hadleen waxaa kamid ah sidii loo dardargalin lahaa mashriicda horumarineed ee laga fulinaayo Caasimadda JFS ee Muqdisho shaqa abuurka dhallinyarada iyo arimaha la xariira maareenta barakacayaasha.
Madaxda fulinta Hey’adda Q.M u qaabilsan arimaha socdaalka ee IOM Mss Dyane Epstein ayaa kulanka kadib la hadashay warbaahinta.
Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) waxa uu sheegay in hey’ada I.O.M iska kaashan doonaan qorshaha horumarinta degmooyinka gobolka Banaadir.
