Wararka aan ka heleyno Gobolka Galgaduud gaar ahaan deegaan lagu magacaabo Xananbuure oo ka tirsan Gobolkaas ayaa waxaa ay sheegayaan in goobo Ganacsi oo ku yaalla halkaasi oo Goordhow uu ka kacay Dab xoogan.
Dabka oo ahaa mid xoogan ayaa waxaa uu sigaar ah uga kacay Bakhaaro Ganacsi oo ku yaalla deegaanka Xananbuure,isla markaana waxaa dabkaas ka dhashay Khasaaro hantiyadeed oo badan.
Dadka deegaanka ayaa waxaa ay sheegeen in haatan uu socdo dadaalo lagu deminayo dabka,waxaana marka hore uu ka kacay dabka goob Shidaal lagu iibiyo,waxaana uu ku sii faafay Bakhaaro Ganacsi.
Goobta uu Dabka ka kacay ayaa waxaa gaaray hal gaadiid oo Dab demis ah sida lagu arkayay Sawirro laga soo qaaday halkaasi.
Wararka ayaa intaasi waxaa ay ku darayaan in Dabka uusan geysan wax khasaaro nafeed ah,hayeeshee uu ka dhashay oo kaliya Khasaaro hantiyadeed soo gaaray goobaha uu qabsaday dabkaas.
