Boliska dalkaasi ayaa sheegay inuu Waaberigii hore ee saakayto dab qabsaday Hotelka Regent Plaza oo ku yaalla Bartamaha magaalladda Karaaji, kana mid ah Hotelladda 4 Star Hotels ee ka dhisan dalkaasi.
Boliska waxay sheegeen inay ugu yaraan 11 qof ku geeriyootay, 75 kalena soo gaareen dhaawacyo u badan gubasho.
Duqa magaalladda Karaaji, Wasiim Akhtar ayaa u sheegay Weriyayaasha inuusan Hotelka lahayn qalabka digniinta bixiya iyo kuwa dab-damiska, Wuxuuna xusay inaan la aqoonin waxa dhaliyey dabkaasi.
Dhinaca kale, Dhakhtar ku sugan Isbitaalka ugu weyn magaalladda Karaaji ayaa u sheegay Wargeyska Dawn in ugu yaraan 65 qof ku dhaawacantay dabkaasi, kuwaasi oo lagu daawaynayo Isbitaalka.
Ma cadda inay Dalxiisayaal shisheeye ah waxyeelo ka soo gaareen Dabka qabsadayHotelka Regent Plaza oo ay ku yaallan ugu yaraan 400 oo qolalka la seexdo ah.
©Radio Dalsan
