Rag lagu eedeeyay inay ku biiri lahaayeen Al-shabaab oo xukun lagu riday

Maxkamadda Degmadda Wajeer ee dalka Kenya waxay maanta xukun ku riday 3 qof oo Tanzanian ah, kuwaasi oo la sheegay inay doonayeen inay u soo socdaalaan Somalia, si ay ugu biiraan Alshabaab, waa sida hadalka loo dhigay.

Eedeysanayaashaasi oo ka soo jeeda Jesiiradda Zanzibaar waxaa magacyadooda lagu kala sheegay Mabruuk Cali Adibu oo 34-jir ah, Idris C/raxmaan oo 32 jir ah iyo Islaaxi Juma oo 22-jir ah.

Madaxa Garsoorka ee Maxkamadda Wajeer, Amoos Makoros waxa uu Eedeysanayaashaasi ku xukumay min 15-sanno, kuwaasi oo xukunkooda ku dhamaysan doona Xabsiga Wajeer.

Eedeysanayaasha waxaa la sheegay in lagu qabtay Deegaanka Kutulo, xilli ay qorsheynayeen inay u soo gudbaan Somalia bishii October ee sannadkii hore.

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media