Subaxnimadii hore ee saaka 10, 2024, in ka badan 100 qof oo Falastiiniyiin ah ayaa ku dhintay duqeyn cirka ah oo gumaystaha,Israa’iil la beegsatay iskuul ku yaalla magaalada Gaza. Iskuulka al-Tabin, oo ku yaal xaafadda al-Daraj, ayaa lagu soo waramayaa inuu hoy u ahaa dad ka barakacay guryahooda, waxaana duqeynta lagu bartilmaameedsaday iyadoo dadka ay tukanayeen salaadda subax, taas oo keentay in tirada dadka dhintay ay aad u kordho.
Militariga Israa’iil ayaa xaqiijiyay weerarka, iyagoo sheegay in iskuulka ay isticmaalaayeen hoggaamiyeyaasha Xamaas. Si kastaba ha ahaatee, ilo maxalli ah iyo Xafiiska Warfaafinta ee Dowladda Gaza ayaa weerarka ku tilmaamay qayb ka mid ah “xasuuq iyo tirtirid qoomiyadeed” oo lagu hayo dadka Falastiiniyiinta ah. Burburka ayaa adkeeyay dadaallada kooxaha caafimaadka ee soo badbaadinaya maydadka, waxaana isbitaallada ay la daalaa-dhacayaan inay daaweeyaan kuwa dhaawacmay.
Weerarkan ayaa ah kii ugu dhimashada badnaa tan iyo markii uu bilaabmay dagaalka, kaas oo ay ku dhinteen kumannaan dad ah, kumannaan kalena ay ku dhaawacmeen.
