Gudiga dib habaynta & diiwaan galinta ciidanka dowlad Goboleedka Puntland ayaa maanta xerada siinaay ee magaalada Gaalkacyo waxaa ay ka sameeyeen tirakoobka cidamada kala ah horinta ciidanka taangiyada,Horinta ciidanka ilaada ayraboorka Gaalkacyo ,taliska & madaafiicda.
Gudoomiyaha Gudiga Dib uhabaynta ciidanka dowlad Goboleedka Puntland ahna wasiirka maaliyada xasan shire abgaal oo goobta ka hadlay ayaa xusey in shicibka looga baahan yahay inay canshuurta bixiyaan si loohelo ciidan tiro & tayaba ka dhisan.
Wuxuu wasiir Xasan shire digniin u direy dadka qaata mushaaraadka badan ee canshuurtu ku waajibtay isagoo sheegey in sharciga lala tiigsan doono ruux canshuur ku waajibtay diiday madama isla ciidanka oo ka mushaar yar canshuur laga qaado.
Taliyaha Ciidanka Daraawiishta Dowlada Puntland S/G Yaasiin Cumar Dheere oo goobta ka hadlay ayaa ciidanka ku booriyay sida wanaagsan ay ugu diyaarsan yihiin marista nidaam saxan oo xuquuqdooda ay ku helaan.
S/G. Cabdi Xasan Xuseen taliyaha ciidanka booliska dowlad Goboleedka Puntland ayaa sheegey inay muhiim tahay in askarigu maro habka diiwan galinta si askari walba u helo tababar sare & xuquuqdiisa oo dhamaystiran.
Gaalkacyo & guud ahan gobolka waxaa ka soconaya qorshaha dib uhabaynta & diiwaan galinta ciidanka Puntland oo qaab wanaagsan u socda iyadoo dhamaan ciidamadu mari doonan habka kaydka xogta askariga.