Muwaadin Somali lagu maxkamadaynayo Kanada oo ku guul-daraystay in laga caawiyo xog uu ku dalban karo Rafcaan.

Cali Cumar Adeer oo ku eedeysan inuu door ka qaatay Saxafiyad Kanadiyaan oo sannadkii 2008-dii lagu afduubtay duleedka Muqdisho ayaa la sheegay inuu lumiyey codsi uu ku doonayey in lagu siiyo Xog ka taageeri lahayd inuu mar kale codsado Rafcaan.

Maxkamad Rafcaan ayaa ku gacan-sayrtay codsiga Eedeysane Cali Cumar Adeer uu ku doonayey inuu ku arko Gal-dacwadeedkii la ururiyey intii uu socday Baaritaanka Dembiga lagu soo oogay ee Afduubka.

Garsooraha Maxkamadda Sare ee magaalladda Ontario, Robert smith waxa uu Eedeysanaha ku tilmaamay  xubin loo raadinayey Afduubkii Saxafiyadda  Kanadiyaanka ee Amanda Lindhout oo sannadkii 2008-dii lagu afduubtay duleedka Muqdissho.

Ali Omar Adeer waxa uu sheegay inuusan ku lug lahayn Afduubka, balse uu ahaa Dhexdhexaadiye iyo Turjumaan oo keliya iyo inay raggii afduubtay Saxafiyadda ugu hanjabeen inay waxyeeli doonaan isaga iyo qoyskiisa.

Eedeysanaha ayaa la filayaa in xukunkiisa lagu dhawaaqo dabayaaqadda bishan June.

 

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media