Afhayeenka Barlamaanka Iiraan, Cali Larijaani ayaa sheegay inuu Go’aankii Donald Trump kaga baxay Heshiiskii Nukliyeerka uu xad-gudub ku yahay Heshiiskaasi, isla markaana uu Go’aankaasi yahay Bandhig Siyaasadeed.
Afhayeenka waxa kale oo uu sheegay in Go’aanka Trump khatar ku yahay Nabadda iyo Ammaanka, wuxuuna dhinaca kale shaki ka muujiyey inay dalalka Europe ee wax ka saxiixay Heshiiskaasi dacaad ka tahay Fulinta Heshiiskaasi.
Sidoo kale, Xildhibaanadda Barlamaanka Iiraan waxay ka soo horjeesteen Go’aankii Donald Trump, waxayna dab qabadsiiyeen Calanka Maraykanka iyo warqad yar oo  muujinaysa Heshiiskii Nukliyeerka.
Sidoo kale, Dibadbaxyo looga so ohorjeedo Go’aanka Madaxweyne Trump ayaa waxay maanta ka dhaceen dalka Iitaan, iyadoo ay Dadweynuhu muujinayeen Carada ay ka qaadeen Go’aankii Trump ee uu ku sheegay inay isaga baxeen Heshiiskii Iiraan.
