Milliteriga Maraykanka ayaa kordhinaya Joogitaanka Garoonkaasi oo ku yaalla Gobalka Sh/hoose, iyadoo laga dhisayo in ka badan 800 oo sariir oo loogu talagalay Askarta ka hawl-gasha Saldhigaasi oo ay Ciiddankii Dowladdii Midowgii Soofiyeeti horey u adeegsan jireen.
Mid ka mid ah Qandaraaslayaasha Dhismahaasi, ayaa sheegay inay Waaxda Difaaca Maraykanka maalgelinayso Dhismahaasi, iyagoo ugu yaraan 208 ka mid ah Sariirahaasi loogu talagalay Ciiddanka Maraykanka ee Barnaamijka Loojistikada Rayidka, halka 600 oo kalena loo dhisayo Waaxda Arrimaha Dibedda Maraykanka ee Barnaamijak Nabad-ilaalinta
Wargeyska VICE NEWS ee ka soo baxa Maraykanka ayaa qoray in Dhismaha Saldhigaasi oo la bilaabay bishii June ee sannadkii hore muujinayso Caddayntii ugu dambeysay ee Koritaanka Hawlgalladda Maraykanka ee Dagaalladda ka socda gudaha Qaaradda Afrika
Ballaarinta Saldhigga Balli Doogle ayaa qeyb ka ah wax u muuqda in la sii ballaarinayo Mashruuca Milliteriga Maraykanka ee gudaha Somalia.
Dhowr Qandaraaslayaal dhisayo Saldhigga Balli-doogle ayaa u sheegay Wargeyska VICE NEWS in ugu yaraan 6 dhismo oo wax laga ilaaleeyo laga dhisay Saldhigaasi sannadkan oo keliya.
Mid ka mid ah Askarta Soomaalida ku sugan Garoonka Balli-doogle ayaa u sheegay Wargeyskaasi in cabirka Saldhigga aad loo kordhiyey, isla markaana ay Maraykan badan joogaan Saldhigaasi, isla markaana ay Diyaaradaha maalin kasta ka soo deggaan Saldhiggaas.
Dhismahaasi ayaa qeyb ka ah Dagaalka ay Milliteriga Maraykanka kula jiraan Dagaalamayaasha Alshabaab.
Taliska Ciiddanka Maraykanka ka jooga Afrika ee AFRICOM waxaa haatan Somalia ka jooga in ka badan 500Â Askar Maraykan ah.
Milliteriga Maraykanka ee jooga Somalia waxay tan iyo sannadkii 2017-kii qaadeen ugu yaraan 48 duqeyn Diyaaradeed, iyagoo sannadkii 2016-kii fuliyey 14 weerar, halka sannadkii 2015-kii fuliyeen 11 weerar.
