Warbixin ay Hay’adda u dooda Xuquuqda Aadanaha ee Human Rights Watchs ka soo saartay Xarunreeda Dhexe ee Maraykanka ayey ku sheegtay inay Ciiddanki 8 jeer qaadeen weerar ay u adeegsadeen Kiimiko isbuucyadii ugu dambeeyey ee dagaalkii ay dib ugu qabsadeen magaalladda Aleppo ama Xalab.
Warbixinta ayaa lagu xusay in ugu yaraan 9-qof lagu dilay, Weeraradaasi oo dhacay muddadii u dhexeysay November 17-dii ilaa December 13-dii ee sannadkii hore.
Human Rights Watchs waxay kaloo tilmaamtay in mid ka mid ah dhimashadii ugu badnayd ka dhacday Deegaanka Sakhuur ee duleedka Xalab. bishii November 20-da, halkaasi oo lagu dilay 6-qof oo isku qoys ahaa oo 4 ka mid carruur ahaayeen.
Milliteriga Dowladda Syria oo taageero ka helayey Raashiya waxay bishii December 22-dii ee sannadkii hore si buuxda ula wareegeen gacan-ku-haynta magaalladda Aleppo ama Xalab.
©Radio Dalsan
