Idaacadda FANA ee ku hadasha  Codka Dowladda Ethiopia ayaa sheegtay inay Ergadda Midowga Afrika u joogta Somalia codsadeen 4,000 oo Askari oo lagu xoojiyo Ciiddanka AMISOM oo tiradooda guud dhan tahay 26,000 oo Askari.
Idaacadda FANA oo Xarunteeda Dhexe ku taallo magaalladda Addis Abeba, waxay kaloo sheegtay in Dowladaha ciiddamadda ka joogaan Somalia laga codsaday inay soo diraan 4,000 oo Askari muddada lixda bilood ee soo socota.
Ciiddanka dheeraadka ayaa la sheegay in lagu xoojinayo Dagaalka ay Askarta AMISOM kula jiraan Xarakadda Alshabaab iyo inay xoojiyaan Ammaanka xilliga ay Doorashooyinka ka dhacayaan Somalia.
Ciiddanka AMISOM oo ka kala socda dalalka Jabuuti, Kenya, Uganda, Burundi iyo Ethiopia ayaa u muuqda kuwo culays kala kulmay Hawlgalka ay Dagaalamayaasha Alshabaab kula jireen tan iyo sannadkii 2007-dii.
Xigasho: DPA
©Radio Dalsan
