Maxkamadda dajarada Koowaad ee Ciidamada Qalabka Sida qeybta 27-aad ayaa bilowday dhageysiga dacwado kala duwan oo loo heysto Eedeysanayaal ka tirsan Ciidanka Booliska dowladda Federaalka.
Ilaa iyo 9 Askari oo ka tirsan Booliska dowladda ayaa lagu eedeeyay ka tegis goob shaqo, amar diido, gadood Ciidan oo ka sameeyeen degmada Doolow ee Gobolka iyo inay dil u geysteen Askari kamid ahaa Ciidanka dowladda.
Ku-xigeenka xeer ilaaliyada Maxkamadda Ciidamada Gaashaanle Maxamed C/qaadir Maxamed ayaa Maxkamadda ka dalbaday in 9-ka Eedeysane sharciga la marsiiyo, isla markaana kamid ah raggaas ee dilay Askariga lagu rido xukun dil toogasho ah.
Ugu dambeyn Guddoomiyaha Maxkamadda Ciidamada Qalabka Sida qeybta 27-aad Gaashaanle Maxamed Amiin Cabdulle oo fadhiga Maxkamada soo xiray ayaa sheegay in Go’aanka eedeysanayaasha dib laga shaacin doono.
Maxkamadda Ciidamada Qalabka Sida qeybta 27-aad ayaa maalmo kahor xukuno kala duwan ku dilay rag ka tirsan Ciidanka dowladda oo degmada Balad-xaawo ee Gobolka Gedo ku dilay Gabar dhalinyaro aheyd oo lagu magacaabi jiray Ismahaan Bakaal.
