Saacadihii la soo dhaafay ayaa waxaa soo baxayay warar sheegaya in Ra’iisul Wasaaraha Soomaaliya Xasan Cali uu xilka qaadi ku sameeyay wasiir ku-xigeenka Wasaaradda Batroolka Xukuumadda oo shaqadii ka joojiyay Agaasimaha guud ee Wasaaradaas,hayeeshee waa la beeniyay.
Wasaaradda Warfaafinta Xukuumadda Federaalka Maxamed Xayir Maareeye ayaa beenisay warqad been abuur ah oo Baraha bulshada lagu faafiyey ee sheegeysa in xilka laga qaaday Wasiir ku-xigeenka Batroolka.
“Wasaaradda warfaafinta waxa ay beenineysaa warqadda Baraha bulshada lagu faafiyey ee sheegeysa in xilka laga qaaday wasiir ku xigeenka Wasaaradda Batroolka Mudane Hilaal”
Dowladda Soomaaliya ayaa dabagal ku heysa dadka wararka beenta ah ku faafiya baraha Bulshada ama warbaahinta kale.
