War ka soo baxay Madaxa Dacwadaha dalka Kenya Nuuradiin ayaa waxaa amar lagu bixiyey in la xiro xiro xoghayaha joogtada ee Wasaaradda Arrimaha Beeraha ee dalkaasi Kenya Ninka lagu Magacaabo Richard Lesiyampe iyo lix mas’uul oo kale.
Xoghayaha iyo mas’uuliyiinta ayaa waxaa lagu eedeeyey inay si qaldan u iibiyeen Dalaga Galeyda,waxaana lixda mas’uul ay kala yihiin.
Agaasimaha maareynta ee NCPB Newton Terer.
maareeyaha guud ee maaliyada ee guddigaas Comel Kiprotich Ng’elechey
 karaaniyada xisaabaadka Caroline Kipchoge Cheron
Maareeyaha bakhaarada Eldoret Renson Kibet Korir
Madaxa diiwaanada Eric Kipketer Talum iyo
Agaasimaha Guud ee Beeraha Joseph Kipruto Cheboi.
Dhinaca kale ilaa 13 ganacsato ah ayaa ka qeyb qaatay iibinta sida qaldan u dhacday ee loo heysto mas’uuliyiintaas,waxana sidoo kale Shaqada laga fariisiyey shan maareeyeyaal oo ka kala tirsanaa Moi’s Bridge, Kisumu, Nakuru, Eldoret iyo Bungoma.
Todobaadyadii la soo dhaafay ayaa waxaa dalka Kenya ka socday xeritaanka mas’uuliyiin loo heysto musuq maasuq,waxana dhawaan xabsiga la dhigay tiro dhowr ah.
