Markab dagaal oo ay leeyihiin Ciiddanka Ilaalada Kacaanka Iran ee (The Iran Revolutionary Guard Corps IRGC) ayaa shalay lagu qarxiyey Badda Cas, gaar ahaan inta u dhexeysa Xeebaha Yemen iyo Eritrea.
Markabkaasi oo lagu magacaabo SAVIZ ayaa waxaa la sheegay inay la kaacday Miino baddeed, waxaana soo gaaray Khasaaro aan weli la shaacinin.
Telefishinka Al Hadath ayaa baahiyey inay Israel ka dambaysay Hawlgalkaasi oo u muuqda mid aargoosi ah, kadib, markii Iran lagu eedeeyey Qarax horey loola beegsaday 2 Markab oo Israel lahayd.
Sarkaal Maraykan oo magaciisa la qariyey ayaa u sheegay Wargeyska The New York Times (NYT) inay Israel xalay ku soo wargeliyeen inay qarxiyeen Markabka Sirdoonka Iran ee SAVIZ.
Markabka la qarxiyey oo nooca Siroonka ee wax basaasa waxa uu dhowr sano ku sugnaa Badda Cas, halkaasi oo la sheegay inuu Hawlo Sirdoon ka waday iyo inuu soo gelbin jiray Maraakiibta Ganacsiga Iran ee ka guduba Gacan-biyoodka Badda Cas.
W/Q: Ustaad Nuradin
