War ka soo baxay taliska Mareykanka ee Qaarada afrika oo loo yaqaano (Africom)ayaa waxaa lagu sheegay in,iyaga oo kaashanaya Ciidamada xoogga dalka Soomaaliya ay duqeyn ku dileen Sarkaal ka tirsan Al-Shabaab.
Qoraalka ka soo baxay Africom ayaa lagu sheegay in duqeynta oo aheyd mid qorsheysan ay 25kii Bishaan Oktoobar ka dhacday deegaanka Kuunyo Barrow ee Gobolka Shabellaha hoose,isla markaana lala beegsaday qaar ka mid ah Saraakiisha Al-Shabaab oo qaabilsanaa maalgelinta.
“Waxaan fulinay howlgal qorsheysan oo ka dhacay deegaanka Kunyo Barrow,waxaa howlgalkaas lagu dilay laba Sarkaal laguna bur buriyay hal gaari,waxana baareeyna in ay dad rayid ah wax ku noqdeen ayaa lagu yiri Warka ka soo baxay Taliska Mareykanka ee Africom.
Si kastaba warkaan ka soo baxay howlgalka Mareykanka ee Qaarada Afrika weli dhankooda Al-Shabaab wax jaawaab ah kama bixin,waxana mareykanka uu mararka qaar geystaa duqeymo ay dad rayid ah wax ku noqdaan.