Mareykanka oo shaaciyey inuu wadahadallo ka dhex bilaabayo Itoobiya iyo Tigreey

Mareykanka ayaa sheegay iney billaabmayaan wadahadallo nabadeed o dhexmaraya dowladda dhexe ee Itoobiya iyo Fallaagada TPLF oo muddooyinkii u dambeeyey ku dagaallamayey waqooyiga dalka Itoobiya.

Wakaaladda wararka Faransiiska ee AFP ayaa sheegtay wadahadallada nabadeed oo dhexmarayo labada dhinac iney billaabmayaan doorashada Kenya kaddib.

Wakaaladda wararka ee AFP oo soo xigatay Moli Fi oo ka mid ah saraakiisha sare oo Mareykanka u qaabilsan Arrimaha Afrika waxay sheegtay dowladda Kenya oo door muhiim ah ku leh xal u helidda colaadda waqooyiga Itoobiya ka taagan horraanta bisha August waxay martigeineysaa wadaxaajoodyadii ugu horreeyey oo labada dhinac dhex mara.

Dalka Kenya oo iisu diyaarinayo doorashada guud oo 9-ka bisha August ka dhaceyso wuxuu ka mid ahaa dalalka dadaalka xooggan ugu jiray dhexdhexaadinta labada dhinac uu dagaalka dhiigga badan ku daatay ku dhexmaray waqooyiga dalka Itoobiya.

Mareykanka, Midowga Africa iyo Kenya waxay wadeen dadaallo isbarkan ay ku doonayeen iney ku joojiyaan dagaalka Waqooyiga Itoobiya ka qarxay ku dhawaad 20 bilood ka hor.

Dagaalka Waqooyiga Itoobiya ka socday inkasta oo uu u muuqda mid yara istaagay haddana ma jiraan wax tallaabba ah oo labada dhinacba ay u qaadeen xal u helidda colaaddaasi.

About Webmaster

View all posts by Webmaster
%d bloggers like this: