Dhageyso:-Taliska Ciidanka Xoogga Dalka oo sheegay in Nin Ajnabi ah ka dileen Al-Shabaab

Taliyaha ciidamada xoogga dalka qeybta 27-aad oo ka howlgala degaanada Hirshabeelle General Maxamed Axmed Macalin Koronto ayaa faah faahin ka bixiyay howlgalo lagu dilay Rag ka tirsan  Alshabaab ka dib howlgalo laga sameeyey Shabeelada Dhexe.

General Koronto ayaa sheegay Howlgal maalmo ka hor ka dhacay degaan ka tirsan Shabeellaha Dhexe in Ciidanka xoogga dalka ay ku dileen nin Ajnabi ahaa oo ka tirsanaa Shabaab, kaasi oo uu sheegay inuu ka soo jeedo wadanka Comoros.

Taliyaha ayaa xusay in ay helleen macluumaad dheeraad ah oo ku saabsan in Ninkaa uu u dhashay Wadanka Comoros, isaga sheegay in degaano dhowr ah o ay weerara ka geysan jireen SHabaab ay geeyeen ciidamo dheeraad ah.

Wuxuu sheegay in howlgaladan ay sii socondaanaan ay yihiin kuwo ka duwan kuwii hore,wuxuuna sheegay in ay la socdaan dhibaatooyinka shacabka ay ku hayaan Al-shabaab Mar uu la hadlayay VOA.

Deegaano hoostaga degmada Balcad ayaa waxaa ka dhacay howlgalo ballaaran oo looga soo horjeeday Alshabaab,kadib markii ay dhowr mar ay  weeraro ku qaadana xarumo Militari oo ciidamadu ay lahaayeen.

Hoos Ka Dhageyso Codka General Koronto.