Dhageyso:-Jubbaland oo sheegtay in Ciidamada huwanta ay bilaabayaan howlgal qorsheysan

Qodobkii ugu weynaa ayuu ahaa shirkii amniga Jubbaland ee labadaii maalmood ee la soo dhaafay ka socday Magalada Kismaayo kaas oo laga soo saaray in siwadjir ah loo fuliyo howlgallada ka dhanka ah Al-Shabaab.

Madaxweyne ku xigeenka Maamulka Jubbaland Maxamuud Sayid Aadan ayaa sheegay in Ciidamada Jubbaland,kuwa dowladda,iyaga oo garab ka helaya Ciidamada AMISOM ay qorsheeyeen in ay Al-Shabaab kala wareegaan deegaanada ay gacanta ku hayaan ee gobolada Jubbooyinka.

Waxa uu sheegay in muhiimada koowaad ee kulankaas oo ahaa in aan marnaba la aqbalin in ciidamada ay Xarun fariisin ka dhigtaan mudo sanado kadibna ay dib ugu laabtaan balse ay horay u sii socon doonaan.

Deegaanada gobolka Jubbada Hoose ayaa waxaa haatan laga dareemayaa dhaq dhaqaaqyo ciidan,iyada oo ay wadaan Ciidamada Jubbaland,kuwa dowladda Soomaaliya iyo AMISOm,waxana Saraakiisha Ciidamada Jubbaland ay sheegeen in howlgal ay sameeyeen ay kula wareegeen deegaano ay maamulayeen Al-Shabaab.

Hoos Ka Dhageyso Codka Madaxweyne ku xigeenka Maamulka Jubbaland Maxamuud Sayid Aadan.