Guudlaawe oo War kasoo saaray Dagaalkii uu ku dhintay Taliyihii Saldhiga Booliska Baladweyne

Madaxweynaha Maamulka HirshabeelleÂ Cali Cabdullaahi Xuseen Guudlaawe ayaa ka tacsiyeeyay geeridii Taliyihii Saldhiga Booliska Magaalada Beledweyne Marxuum Lxle Maxamed Xuseen Maxamuud (Duurdage).

Madaxweynaha ayaa sheegay inaan la aqbali karin shaqaaqadii maanta ka dhacday Saldhiga Magaalada, waxa uuna faray Taliska Ciidanka Booliska Hirshabeelle inay soo cadeeyaan falka uu ku dhintay Taliyihii Saldhiga Magaalada Beledweyne.

Madaxweyne Cali Cabdullaahi Xuseen Guudlaawe ayaa u tacsiyeeyay qoyskaÂ qaraabada iyo guud ahaan Ciidanka Booliska ee uu ka baxay marxuumka, waxa uuna Alle uga baryay inuu naxariistiisa janno ka waraabiyo.

Taliyihii Saldhiga Booliska Magaalada Beledweyne Lxle Maxamed Xuseen Maxamuud (Duurdage) ayaa ku dhintay dagaal saakay Ciidamo ka tirsan Booliska sida gaarka u tababaran iyo kuwa Booliska Maamulka ku dhexmaray Saldhhiga Booliska Magaaladaas.

Dagaalkaan ayaa waxaa uu ka dambeeyay, sida ay dad la hadlay Idaacadda Dalsan u sheegeen, kadib markii Saldhiga Booliska Beledweyne lagu xiray Boqolaal ruux oo lagu soo qabtay Howlgalo xalay ilaa saaka laga sameeyey Xaafada Buunda-weyn.

Radio Dalsan

Radio Station

Radio Dalsan was established in April 2012 in Mogadishu, Somalia with FM frequency 91.5MHz . The radio is registered with the federal ministry of information in Somalia. Dalsan is an independent and autonomous FM Radio station. The radio broadcasts for 18 hours in Somalia and also the Radio is on satellite broadcasting to Africa and Asia.