Madaxweyne Erdogan oo si caro leh uga hadlay Warbixin uu daabacay Wargeys

Madaxweynaha Turkiga, Recep Tayyip Erdoğan, iyo taageerayaashiisa ayaa si caro leh uga falceliyay warbixin uu daabacay wargeyska The Economist ee ka soo baxa London.

Wargeyska ayaa boggiisa hore ku daabacay ereyada “Doorashada ugu muhiimsan 2023”, “Badbaadiya Dimuqraadiyada” iyo “Waa in Erdoğan meesha laga saaro”.

Maqaalka wargeyska uu uga hadlay doorashada Turkiga ka dhici doonta 14-ka May ayuu ku sheegay in “guuldarro soo wajahda Erdoğan ay dimuqraadiyiinta caalamka tusi doonto in laga adkaan karo hogaamiyayaasha awoodda badan”.

The Economist oo kamid ah wargeysyada ugu waaweyn dalalka Galbeedka ayaa horay u qoray warbixinno ka dhan ah hogaamiyaha Turkiga iyo siyaasadihiisa.

Madaxweyne Erdoğan oo ka falceliyay warbixintaas ayaa sheegay in uusan “oggolaan doonin in siyaasadaha gudaha ee Turkiga la farageliyo”.

Hogaamiyahan Tiurkiga xukumayay labaatankii sano ee la soo dhaafay ayaa doonaya in xilka mar kale loo doorto shan sano oo cusub.

 

 

About Dalsan Editor

View all posts by Dalsan Editor