Madaxweynaha dowlad Goboleedka Jubbaland Axmed Maxamed Islaam Axmed Madoobe ayaa Maanta si rasmi ah u daah-furay kal-fadhiga 2-aad ee Baarlamaanka Jubbaland.
Axmed Madoobe ayaa Munaasabadda furitaanka Baarlamaanka Jubbaland ka jeediyay Khudbad uu uga hadlay Arrimo kala duwan, waxaana ugu horeeyn uu ka hadlay xiriirka Jubbaland iyo dowladda Federaalka Soomaaliya oo meel xun maraya.
Waxaa uu sheegay Axmed Madoobe in Madaxda dowladda Federaalka aysan waxba ka duwaneyn Al-shabaab, isla markaana ay jiraan cadaalamo ay isugu mid ka yihiin labada dhinac.
Madaxad dowladda ayuu ku eedeeyay in qofkii kasoo horjeeda ay u xukmiyaan Khaa’inul wadan, ayna burburisay dhamaan nidaamkii downimo ee lagu soo dhisay dowladda Soomaaliya.
Dowlada iyo Al-shabaab waa isku mid, sababtana waa cidii ka hor imaada fikirkooda way dilaan, halka Madaxda dowladda Federaalka cidii kasoo horjeesata ay dagaal ay ku qaadan” ayuu yiri Axmed Madoobe.
Sidoo kale Madaxweynaha Jubbaland ayaa waxaa uu tilmaamay in dowladda Federaalka ay joojisay dagaalkii lagula jiray dagaalamayaasha Al-shabaab, isla markaana loo soo weyciyay dhanka dowlad Goboleedka dalka ka jira.
Isaga oo sii hadlaayay Axmed Madoobe ayuu tilmaamay in aysan jirin dowlad wax lagun aamini karo, wuxuuna dowladda Turkiga ugu baaqay inay joojiso Ciidamada ay dowladda Soomaaliya u tababarto.
Si kastaba hadalka Axmed Maxamed Islaam Axmed Madoobe ayaa waxaa uu kusoo aadayaa, iyadoo dowladda Federaalk iyo Jubbaland uu Khilaaf xoogan ka dhexeeyo, kaasi oo sababay inuu dagaal geystay Khasaaro isugu jira dhimasho iyon dhaawac uu dhexmaro Ciidanka dowladda iyo kuwa Jubbaland.