Madaxweynaha Dowlad Goboleedka Galmudug Axmed Cabdi kaariye Qoorqoor xalay ayaa casho sharaf u sameeyay Xildhibaanada Baarlamaanka labaad ee Maamulka Galmudug.
“Munaasabaddaan ayaa ku saabsaneyd mahad celin, bogaadin iyo xoojinta wada shaqeynta laanmaha fullinta iyo sharci dejinta, madaama ay yihiin laba awoodood oo is dheelitira isla markaana kala madaxbanaan” ayaa lagu yiri Qoraal kasoo baxay Madaxtooyadda Galmudug.
Dhinaca kale Madaxweyne Axmed Cabdi Kaariye Qoor-qoor ayaa kulankii xalay ku saxiisay miisaaniyadda Dowlad goboleedka Galmudug ee 2020 oo dhawaan golaha wakiilada ay ansixiyeen.
Sidoo kale Miisaaniyadda Galmudug ayaa waxaa horey u meel-mariyay Golaha Wasiirada maamulkaas, waxaana ugu dambeyntii xalay Magaalada Dhuusamareeb ku saxiixay Madaxweyne Qoorqoor.
Munaasabadda lagu saxiixayay Miisaaniyadda ayaa waxaa goobjoog ka ahaa Madaxweyne ku-xigeenka Galmudug, Guddoonka Baarlamaanka iyo Xildhibaano ka tirsan maamulkaas.
