Dowlad Goboleedka Puntland ayaa Maanta oo talaado ah soo saartay Amar cusub oo looga hortegayo faafida Cudurka halista ah ee COVID-19 kuna socda shacabka kunool deegaanada maamulka Puntland.
Qoraal kasoo baxay Wasiirka Caafimaadka Puntland Jaamac Faarax Xasan ayaa waxaa marka hore lagu sheegay inuu jiro sare u kac la xiriira faafida Cudurka COVID-19, isla markaana looga baahan yahay in laga hortego.
Wasaaradda Caafimaadka ayaa dadka ku tukanaya Masaajiadda Salaadaha Jameecada ku amartay inay isku jirsadaan masaafo dhan ugu yaraan 1.5 Meter, uuna qof kasta soo qaato Afxir (Face Mask).
Sidoo kale Amar kasoo baxay Wasaaradda ayaa waxaa ku jira in Salaadaha Taraawiixda aan laga badin 30 daqiiqo, isla markaana qof kasta oo tukanaya uu la yimaado Sujaayad oo aan lagu tukan doonin Sujaayada Masaajidka.
Hoos ka Akhriso Amarka kasoo baxay Wasaaradda Caafimaadka Puntland.
