Madaxweyneyaasha dowlad Goboleedyada Puntland, Jubbaland iyo Beesha Caalamka ayaa haatan waxaa uu kulan uga socdaa hotel ku yaalla Garoonka diyaaradaha Aadan Cadde ee Magaalada Muqdisho.
Kulanka u socda dhinacyada ayaa waxaa looga hadlayaa xaaladihii ugu dambeeyay ee soo kordhay iyo Go’aankii shalay ay gaareen Xildhibaanada Golaha Shacabka ee muddo kordhinta loogu sameeyay hay’addaha dowladda iyo Madaxweyne Farmaajo.
Madaxweyne Axmed Maxamed Ismaan Axmed Madoobe iyo Saciid Cabdullaahi Deni ayaa waxaa la sheegayaa in Beesha Caalamka ay gudbiyeen mowqifkooda ku aadan tallaabada laba sanno loogu kordhiyay Madaxweyen Farmaajo.
Warar lagu kalsoonaan karo oo la helayo ayaa waxaa ay sheegayaan in Madaxweyneyaasha Puntland iyo Jubbaland ay saacadaha soo socda ka ambabixi doonaan Caasimadda dalka ee Muqdisho oo ay ku sugan yihiin muddo ka badan Bil.
Dowlad Goboleedyada Puntland iyo Jubbaland ayaa si adeg uga soo horjeestay Go’aanka muddo kordhinta labada sanno ee shalay Xildhibaanada Golaha Shacabka ay u sameeyeen hay’addaha dowladda Federaalka ee muddo xileedkoodu dhammaaday.
