Xildhibaanada Baarlamaanka Federaalka Soomaaliya ee deegaan doorashadoodu tahay Puntland ayaa Maanta ka hadlay Khilaafka dhinaca waxbarashada ee u dhexeeyay Dowladda Federaalka Soomaaliya iyo maamulka Puntland.
Xildhibaanada oo warbaahinta kula hadlay Magaalada Muqdisho ayaa waxaa ay sheegeen in xal buuxla laga gaaray Khilaafkii dhinaca Shahaadada Ardayda deegaanada Puntland.
Waxaa ay sheegeen Xildhibaanada labada Golle dowladda ee kasoo jeeda Puntland inay kulan la qaateen Madaxweyne Maxamed Cabdullaahi Farmaajo, isla markaana ay wada hadleen sidii loo xalin lahaa Khilaafka waxbarashada uuna markii dambe Garowsho kasiiyay arrintaas.
Sidoo kale Xildhibaanada ayaa waxaa ay tilmaameen in Madaxweyne Farmaajo uu hay’addaha ku shaqada leh dhinaca Shahaadada ku amray in Ardayda Puntland la siiyo Shahaadada.
Xildhibaanada ayaa Madaxda ugu sarreysay dowladda iyo Madaxweynaha Puntland, Wasiirka Waxbarashada maamulkaas uga mahadceliyay sida wanaagsan ee loo dhameeyay Khilaafkii la xiriiray dhinaca Shahaadada Ardayda deegaanada Puntland, kaasi oo bilihii lasoo dhaafay taagnaa.
Si kastaba Puntland ayaa sanadkii tegay ee 2019 iska diiday in Ardayda deegaanada maamulkaas ay ka qeyb galayaan Imtixaankii shahaadiga ahaa ee Dugsiyada sare ee dalka oo ay qaaday dowladda Federaalka Soomaaliya, waxaana Ardayda Puntland ay galeen Intixaan iyaga u gooni ah