Kenya oo sheegatay inay Alshabaab ka soo furteen dad Kenyan ah oo ay qafaasheen.

8 qof oo Kenyan ah ayaa la sheegay inay Xarakadda Alshabaab soo qafaasheen muddo hal bil gudaheeda.

Taliyaha Boliska Gobalka Mandera, Fredrick Shisia ayaa sheegay in dadkaasi laga qafaashay Deegaanadda Alango iyo Kurokura.

Wareysi Khaas ah oo uu siiyey Wargeyska Daily Nation ayuu ku sheegay inay ku guuleysteen inay soo furtaan dadka ay Alshabaab qafaasheen, waa sida uu hadalka u dhigay, inkastoo uusan sheegin inay dagaal ku soo furteen iyo in kale.

Waxa kale oo uu tilmaamay in Alshabaabka ku sugan gudaha Kenya ka soo baxsadeen duqeymaha ay Diyaaradaha Kenya ka fuliyaan Gudaha Somalia, isla markaana ay maciin bideen inay gudaha Kenya ku badbaadi karaan, waa sida uu hadalka u yiri.

Dhinaca kale, Taliyaha Boliska Gobalka Mandera, Fredrick Shisia waxa uu qiray inay Alshabaab xiriir la leeyihiin Shabakado xooggan oo ku sugan Mandera, kuwaasi oo Alshabaab degdeg ugu gudbiya xaalladaha taagan.

©Radio Dalsan

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media